日本祭

日本祭

文章日期：06/02/2012 07:32 pm

日本係我地第二故鄉，以前一年點都會返鄉下一兩次，不過幅射之後都冇去過啦。今日自製左一Day日本祭，就係去左銅鑼灣行左街同嘆左兩餐日本菜，算係止下癮好過冇啦！

午餐試左間高檔日本料理，平時夜晚食起碼都千多元一位，不過食lunch就平好多，D魚全部日本飛機貨，超新鮮，魚生真係一分錢一分貨，三百多元一個lunch set 真係物有所值架！

個set一來就先上沙律、前菜（魚生粒混芝麻醬）、蒸蛋。我地坐sushi bar , 嗰師傅逐件整逐件上，由淡至濃，只有高級壽司店至有既服務，讃！件壽司飯已調味所以唔需要落芥末同豉油已經好好味。值得一讚既係師傅既細心又friendly, 除左同我地傾計外，又一一解答我對各種魚生既好奇。我見到裡面有kinki魚，佢竟然自動offer比我試一件（其實我個set嗰9件應該唔包係師傅好好人換左件比我，超開心呀）個set仲有一件銀雪魚，原來生吃是很爽架，銀雪魚味香濃。件toro又厚又多油，好正！9件壽司後仲有個蔥呑拿腩手卷，總之件件都咁正！甜品就係柚子雪芭/綠茶紅豆雪糕。呢餐飯食得好開心，唔止係野好食而係一個好愉快既dining experience! 去過好多高級食府但係比到呢種感覺我既就唔多。

晩餐就去左長期長龍既炸豬排店。我地叫左豬柳同鹿兒島豬扒定食，以香港吉列豬扒店來說應該名列前茅，不過當然唔可以同午餐既料理店比啦，但整體是不錯的，唔駛排隊都值得去既。