海南雞飯

海南雞飯

文章日期：05/29/2012 08:49 pm

大夫前㡬日已經話想食海南雞飯，weekend 時間多D就整一次比佢食啦！

雞先用粗鹽同紹興酒放入雪櫃醃數小時。鑊放入滾水同蒸架將雞放在碟上蒸13分鐘取出，碟上雞汁留用，將半熟既雞再放入滾水既鑊內，水滾後熄火蓋上蓋浸20分鐘，用小刀插入腿部沒血水便ok。 分開兩個步驟做雖然係煩複D, 但係好處係可保留雞汁煮飯而雞肉浸熟亦同時可保持嫩滑。 整好既雞可暫時放在鑊內一段短時間，臨吃前至斬件可保持暖度。

將雞汁當成水用來煮飯，想D飯香D可加少少薑、䓤段同蒜粒同煮。汁既分量應該比平時煮飯用既米水多少少咁樣D飯底就唔會容易起蕉。

蘸汁就用左蒜蓉、辣椒、青檸汁同魚露，蘸起來同海南雞好㚒，停唔到口。