買左麵包機

買左麵包機

文章日期：03/05/2013 12:05 am

其實好早之前已經覺得香港D方包唔掂，平價既擺到第二日又亁又嚡，貴野係好味但係日日食又真係好鬼貴唔捨得，終於的起心肝要買部麵包機啦。

喺網上都search左下見好多blog 友都推薦panasonic 麵包機，話又靜又細部仲有分開既乾果格同yeast 格，睡前set好program 第二朝起身就有新鮮出爐麵包等住你，好似好吸引喎！

跟住再做深入D既硏究，發現唔同國家地方賣既model 同function 都會唔同，港版p仔104得13個mode 但台版105T就有成30個，仲有得蒸麵包、種酵母、烏龍麵、麻糬，做jam 等等，差不多既價格但是function 就多好多，唯一唔好係要拖隻大火牛，思前想後都係上網買左台版。

http://www.panasonic.hk/ha/chinese/feature_1101.aspx

https://club.panasonic.tw/PSEM/psemprod.asp?prodid=SD-BMS105T

訂左後要兩三天至送到，於是我嗰幾日放左工就好唔得閒去搵定晒D材料希望架機一到第二朝就有熱麵包吃。聽人講日本粉貴D又好D, 第一次做唔想失敗所以都乖乖入左日本粉（間間超市都缺貨，真誇張）。yeast 買唔到日本既改用法國既代替。

架機終於送到，我同大夫都好興奮一放工就番屋企迎接佢。

白雪雪細細部好靚仔

送埋隔熱手套等出爐時唔會燙倒，真細心。

仲有量杯、量匙同埋種酵母杯

睇下，酵母同乾果格獨立分開，唔駛半夜扒起身放亁果落麵包，亦都唔駛驚D yeast 太早掂到水發唔起。右邊就Show 左嗰30個program, 一目了然唔駛記。

本說明書都好詳盡教晒每個mode 點用仲有sample 食譜比晒份量你跟著做，好似我呢D初哥就好適合。


好心急快D試下整我的第一個麵包先！