胡椒豬肚湯
整嚟做打邊爐湯底，但係由於太好味，大家都情願凈食呢個湯底，唔想放其他食物落去淥影響佢嘅味道！
材料：
豬肚
白胡椒粒
白果
豬骨
白蘿蔔
西芹
粟米
薑
洗豬肚
其實豬肚好易洗，反𨍭佢，內外都用粗鹽同生粉捽勻洗兩次，跟住再用白醋洗多次，然之後再放入滾水內煲佢20分鐘，再喺水喉水下沖乾凈，剪去多餘白色脂肪粒，跟住就可以切件備用。
一次過將所有材料放入快速煲內，加入熱水，按兩次煲湯鍵就得，輕輕鬆鬆大概一個多小時就有一煲好入味既胡椒豬肚湯飲啦，好簡單架咋！可以用嚟送飯都得，鍾意既話可以整個蒜蓉辣椒豉油蘸下更惹味！
沒有留言:
張貼留言