頭盤先嚟半打生蠔漱漱口，接住就係泰式生蝦刺身啦！呢味餸好好味但係從來都唔敢喺泰國餐館叫，驚佢唔乾淨，不過今次買到泰國刺身草蝦，我就整左個泰式生蝦醬（蒜蓉、新鮮辣椒、魚露、青檸汁同皮），好惹味食唔停呀！
跟住就係自製什錦魚生飯。我既放左大大舊海膽、帶子、toro、油甘魚、三文魚同飛魚子，係咪好靚呢？
食完凍野，點都要飲番碗熱湯暖番下個胃，我煮左我最愛既南瓜湯！
將南瓜蒸焾打爛加入whipping cream、牛奶 同雞湯煮滾就得，個湯超甜超滑，食完凍野飲真係冇得彈！
南瓜湯過完場後就到主菜啦，包括左：
法式麵包蟹 （order 番黎時已經熟左reheat 番就食得，好多蟹膏架）
白酒洋蔥煮青口 （洋蔥切粒加雞湯同白酒煮至D青口開晒就得架啦）
仲有波士頓龍蝦青口魚子白汁意粉 （龍蝦買番黎已熟，將佢拆開, 拑用刀背拍扁，意粉先恰好，在鍋中加入蒜蓉、青口、龍蝦、whipping cream、雞湯煮至青口開，加番意粉入去mix 勻上碟，吃時至加飛魚子就會泡泡脆啦）
呀，差D唔記得仲有美女小廚神ruby有份幫手整既薯仔旦粟米番茄沙律添！
只要唔介意自己動動手，就隨時都能夠在家中享受一餐咁高檔既海鮮宴、價錢仲平過喺出面食好多好多，得閒有咁既享受仲想點呀，哈哈，好鬼滿意呀！
多謝阿steph 幫我整左下底呢個咁靚既photos summary. So nice, Thx!
沒有留言:
張貼留言