真空㷛系列：炆鮑魚

真空㷛系列：炆鮑魚

文章日期：02/23/2013 05:08 pm

新年想整D好野食下，打開冰格見到有澳洲急凍青邊鮑，好啦，就整嚟嘆下据下鮑魚豪下先。

先將鮑魚解凍，除去殼，將鮑魚內臟（綠綠黑黑一大舊黏住鮑魚既部份）全部唔要，鮑魚面可能仲有一塊薄薄既膜，都唔要。清除晒呢D雜物後洗浄就係白雪雪既靚靚鮑魚仔啦！

鮑魚本身冇乜味，主要靠個汁令佢入味，所以呢個汁就係靈魂所在！我就用左以下呢D材料：

2舊西施骨
8隻雞腳
2細片金華火腿
4粒蠔豉
雞湯

今次我用左真空㷛幫手，每日將內膽㷛20分鐘，之後放入外殼內過夜，重複做兩日，就係咁簡單，兩日後就有又入味又諗又香既靚靚鮑魚据啦。如果你鍾意蠔油底，好easy, 只要食前拿少少㷛鮑魚既精華膠膠汁底加D蠔油落去，等佢地滾起杰身後放回鮑魚入去一齊煮幾分鐘就好似阿一鮑魚咁靚啦！我就鍾意原汁原味，成個嘴都比D骨膠原封住晒哈哈。