staub 食譜：再戰臘味滑雞煲仔飯
去左元朗一轉喺大榮華買左南安臘鴨、加痩臘腸同膶腸，見天氣凍左幾度今晚又試下用staub煮臘味煲仔飯。
健康為上，我將D臘味先隔水蒸10分鐘倒晒D油至開始整。用左20cm staub, 米先浸2小時（短D時間都ok), 1.5 杯米1.5 杯水（如想D飯硬少少可以落少D水）。先落米同水，大火煮3分鐘，開蓋用筷子攪下佢防黐底，跟住放入料，我除左臘味外仲加入左已醃好既雞肉，薑絲、冬菇絲、杞子同蟲草花，蓋上蓋中火煮5分鐘，跟住轉小火煮10分鐘，離火焗15分鐘就得。煲仔飯鼓油用頭抽、老抽、味琳同糖混合而成，吃時淋上面。
雖然步驟多左，但出來既煲仔飯一D都唔會油又有臘味香D雞又滑，都係自家製好味D！
沒有留言:
張貼留言